Miele DG6010試驗 蒸餃子

阿太今日又想試個蒸爐，見到台灣的blogger成日蒸餃子。
所以今日是Miele餃子實驗日。

現在英國天氣好凍，阿太真係懶得出街買餸(夏天我係出街強迫症)，冬天就變宅太，懶到真係清倉先去超市入貨。

今天的餃子，都是之前買落，餃子皮亦係在冰箱儲存倉之用。

今日用既料有，放在蔬菜箱一個星期都吾會壞既紅蘿白，吾潮成世都食得既冬菇同豬肉。

用蒸爐最好最好的好處，真係吾洗睇火，蒸好又有提示。用這蒸爐同焗爐一樣，令大家輕鬆完成餸菜，又有滿足感。

好，講返餃子先。
冬菇凍水浸軟，揸水，切粒，用糖+油醃
備用。

之後預熱蒸爐100度。到溫度夠，放紅蘿白及冬菇蒸15mins(至紅蘿蔔少少軟)

蒸好，放涼後，紅蘿蔔切粒拌入冬菇碎，豬肉及鹽，糖，胡月粉，豉油，少少蒜茸，少少薑汁及一隻蛋攪拌至有少少膠，最尾加少少麻油

攪掂個饀就可以包皮啦…因為係雪皮，皮應有既水份流失，冇可能再用水封口(新鮮皮當然冇問題啦)

所以我用蛋封。

這個包法係最簡單，饀放中間，之後半張皮打摺就ok…

因餡多左，而屋企有腐皮(放左成個星期啦)，順便蒸理腐皮卷。

包好，岩岩可放三個間。
用100度蒸25分鐘

係蒸既時候，又順便預備埋沾餃子汁
有豉油，糖，醋，加少少醋同麻油，因為阿太覺得調味醬會熱一熱等佢地溶合會更好味。
所以在最蒸餃子最尾的五分鐘放埋入去熱一熱。

出爐啦～

沾埋自家麻辣油，真係食到停吾到口

試後感，估吾到用蒸爐蒸腐皮卷有咁驚喜既效果，相比明爐，真係快，靚，正。

當然蒸餃子也相當好食。

阿太家上海大少狂讚個蒸爐，又話吾洗開火，又乾淨(我住煮飯，佢埋尾，所以，你們懂的)

又好食又健康咁話。

雖然阿太代購這爐，係有利益關係，但這蒸爐確實係好野。我會將佢完全代替微波爐的工作。等家人食得更健康