阿太實驗廚房 Miele 蒸爐 蒸鹽焗雞

阿太實驗Miele蒸爐又黎啦…

自從阿太移民英國後，所有事都化煩為簡，以前就有姐姐，現在只有洗碗碟機與阿太。

好似以前咁煮，似玩死阿太多D。

未有蒸爐時，用焗爐比例也比香港多，但焗爐食得多對我地中國人黎講真係熱氣。個排懶，咩都放入焗爐焗，攪到一向好少生痘痘既阿太生痘，自有蒸爐，我就改多D次數用蒸爐，等自己冇燥底。

而又為左方便，阿太依家通常買定幾日餸(在香港日日買新鮮餸),一次過醃好，處理好。等自己多D時間處理其他事。

好似每個星期日，野孩都要返中文班，返完回家已經五點幾，根本吾夠時間預備(我地六點半食飯)

所以之前處理好的，真係大派用埸。

今晚我地就係食鹽焗雞飯。今次li餐，真係全部放入蒸爐已經攪掂，乾淨，企理。

食完丢D碗入洗碗碟機。

只要抹乾返蒸爐，清潔工作就完成。

真係減輕左好多功夫嫁!!

好，又講返個餸先。

雞用沙姜粉同鹽搽勻全身(醃一兩日都得嫁)

蒸時用手大力按雞胸，最好聽到斷骨聲

(作用係雞會易熟D)

米先浸一浸，水及米比例一比一，冇加蓋

(食爽身可再少D水)

預備好，用100度23 mins 雞下間，飯上間一齊入爐.

夠鐘，放埋西蘭花拌雞周圍(雞係有汁出，但我就係鍾意用雞汁煮埋D菜，吾洗加其他調味，正)

再100度2mins(野孩鍾意菜少少淋)

攪掂。就可以開動啦…超簡單，快捷，方便。

阿太好鍾意佢…